Nang magsimula ang proyektong P95.5-billion Pasig River Expressway project, plano rin San Miguel Corp. (SMC) na linisin at ayusin ang daloy ng tubig sa bahagi ng Ilog Pasig. Pasisimulan nito ang proyekto—paglilinis ng Pasig—na bumigo sa maraming administrasyon at ahensiya ng pamahalaan. Ang 125-kilometrong ilog mula sa umpisa nito sa bahagi ng Laguna de Bay sa silangan hanggang sa dulo nito sa Manila Bay sa kanluran ang pangunahing ruta ng transportasyon noong una bago pa maitayo ang mga daan at kalsada. Nagsisilbi rin itong pangunahing pinagkukunan ng tubig, pagkain at kabuhayan. Ngunit sa paglago ng Maynila at mga kalapit nitong lungsod, nakaakit sila ng maraming tao mula sa probinsiya na nagtayo ng kanilang mga bahay malapit sa mga pabrika at pigpen sa baybayin nito at sa maraming daluyan ng tubig na dumadaloy mula sa San Juan, Mandaluyong, Quezon City, at Pasig.

Nabuhay ang pag-asa sa muling paglilinis ng Pasig. (2020, September 8). Balita, p. 4.