Magandang balita para sa mga mahilig sa malutong na tawilis. Inihayag ng Department of Science and Technology (DOST) na ang tanging sardinas ng tubig-tabang sa mundo na matatagpuan lamang sa Taal Lake ay matagumpay na naalagaan nang buhay sa lugar o malayo sa natural na kinalalagyan nito. Sinabi ni DOST Secretary Fortunato “Boy” T. de la Peña na ang Limnological Station ng University of the Philippines Los Baños (UPLB-LS), na pinamumunuan ni Dr. Ma. Vivian C. Camacho, ang nakakamit ng major breakthrough sa pagsasaliksik ng konserbasyon ng tawilis noong Pebrero 23, 2021. Si Camacho ay kasalukuyang station manager at associate professor sa Animal Biology Division ng Institute of Biological Science.

Luci-Atienza, C. (2021, March 7). Pagsagip sa endangered Tawilis. Balita, p. 5.